Раённы конкурс патрыятычнай песні «Сэрца зямлі маёй», прысвечаны 75-годдзю Перамогі савецкага народа ў Вялікай Айчыннай вайне, прайшоў у кінаканцэртнай зале «Астравец».

Удзельнікі прадставілі на суд журы 19 нумароў у дзвюх намінацыях: «Саліст-вакаліст» і «Прафесіянальныя выканаўцы».

У выніку пераможцам конкурсу сярод вакалістаў стала Сафія Юрчанка з сярэдняй школы №3. Дыпломам ІІ ступені ўзнагароджана Кацярына Грыдзюшка з сярэдняй школы №2, а Дыплом ІІІ ступені атрымалі тры ўдзельніцы: Ілона Калпак з Варнянскага НПК, Вольга Рабкоўская з Рытанскага НПК і Юлія Юковіч з РУП «Астравецкі саўгас «Падольскі».