Пераможцам абласнога спаборніцтва на нарых­тоўцы травяністых кар­моў сярод вадзіцеляў Гродзеншчыны стаў Анатоль Якубцэвіч. 

Цікаўлюся, што адчуваў мужчына, калі даведаўся пра перамогу. 

– Здзівіўся! Працаваў, як і астатнія вадзіцелі саўгаса – без выхадных з раніцы да вечара, – расказвае Анатоль Якубцэвіч. – Майму МАЗу 11 гадоў. Машына не падвяла: каля 6 месяцаў абышлося без значных паломак. Травы сёлета добрыя выраслі – два кормаўборачных комплексы «Ягуар» і новы КВК таксама ні дня не прастойвалі. Падчас закладкі траншэі ля комлекса «Рытань» за дзень перавёз каля 100 тон сянажнай масы.

У саўгасе мужчына з 1982 года. Некаторы час працаваў у райсаюзе, але ўсё ж вярнуўся ў родную гаспадарку. 

– Дзякуючы рабоце сустрэў сваю другую палавінку. У саўгасе Ганна  адпрацавала каля 15 гадоў, цяпер яна загадчыца Рытанскай біб­лія­тэкі. Выгадавалі з ёй дваіх сыноў, дачакаліся ўнукаў, – падсумоўвае нашу размову лепшы вадзіцель вобласці. – Цяпер тэхніка магутная, энерганасычаная – не тое што раней. Але заўсёды і ўсюды трэба было працаваць добра, і не толькі ў сельскай гаспадарцы.